حلم نام مع حلم
خلفوا مأساة
لأن حلم منهم
كان مدى
للتانى قفاه
4/25/2007
4/24/2007
يوووووه بقى اسكندريلا
لسه راجع من حفلة اسكندريلا
" كان الخازوق معايا لسه "
بس قلت اتفرج
انا متابع اسكندريلا
وشايفهم للأسف بينزلوا
انا احب لما اروح حفلة مايتضحكش عليا
يعنى بغض النظر عن ان كل واحد فيهم بيحب يعمل شو علشان الناس تسقفله
ومع انى مش داخل اتفرج على عزف واحد منهم
انا داخل اتفرج على فرقة
بس ده كان حاجة
الحاجة التانية انهم بيخزوقونى
" يظهر ان الخوازيق واخدة راحتها معايا "
يعنى انا زى ما قلت مابحبش اروح حفلة ويتضحك عليا
انا رايح اسمع فرقة اسكندريلا بتغنى مختارات للشيخ سيد وعمى امام
يبقى ما يجوش يدخله اغانى من الحانهم " الفرقة " فى وسط الاغانى
لو هما يقولوا احنا عاملين حفلة لأغانى من الحان بتاعتنا
انا هروح
وهبقى مبسوط
لأنهم فعلا ملحنين " حازم وشادى " كويسين
بس انا داخل اسمع اغانى الشيخ سيد وعمى امام
بس
وفى حاجة كمان
هما اول ما ابتدوا كانوا مركزيين على اغانى معينة
اللى هى الاغانى اللى بتحشد مشاعر وطنية
وده كان بيعجبنى فيهم
بالذات صوت موسيقتهم العالى
بيدخلنى فى حالة
والحالة دى من اهم اسباب انى بروح حفلاتهم
بس هما بقوا يجيبوا الحان مش وطنية اوى
او بقوا يقلوا من الموضوع
وهما كدة فقدوا جزء كبير من سبب ان الناس اعجبت بيهم وبتروح ليهم
وايه كمان ؟؟
اه
كمان عازف البيانو انا مش شايفه
انا مش فاكر اسمه
وده معناه انه مش موجود
محطوط عياقة اظن
انا ما بسمعهوش
اما انهم يستخدموه افضل من كدة
او يمشى
مش هيأثر
والتوزيع اتحسن شوية عن الحفلة اللى فاتت
وطبعا كل اللى كنت شاليه من خنقة عليهم راح فى اخر اغنية
اهل الشام
ده مقطع منها
خازوق
خوازيق
الدنيا كلها خوازيق
امبارح كنت فرحان اووى
وكنت حاسس ان الدنيا عايزة تفرحنى
المسألة عاملة زى انك تظن ان ابليس عايزلك الخير بس
انا كنت فاكر ان الدنيا بتفرحنى
علشان هى عايزة ده
لكنى اكتشفت انها عايزة تبسطنى
علشان بعد كدة تخزوقنى
وطبعا الخازوق يجي ابن متناكة
يطلع من النافوخ
تكون فرحان ومبسوط
وفجاة
يجى الخازوق مغري
بس هقول ايه
ماينفعش غير انى اقول شكرا يا دنيا
مش على الخازوق
على انى امبارح اتبسطت
وانا هاخد الخازوق من سكات
ومش هسمعك صوتى
مش لأى سبب غير انى مش عايز اسمعك صوتى
ومع تحياتى
4/23/2007
انا فرحان
انا فرحان اوووى
بجد فرحان
مش عارف اقول ايه
غير انى فرحان
فرحان علشان الدنيا عايزانى افرح
شىء جميل انك تحس ان الدنيا عايزاك تفرح
من اول اليوم ما ابتدى وهى عايزة ده
ولحد ماينتهى بتعيش الفرحة
المسالة بتبتدى كدة
انك من كتر الزعل
بقيت زعلان حتى من غير سبب
ولما تقرب حاجة تفرح
تفضل تحط سدود
اسوار
بس زى ما قولت الدنيا عايزانى افرح
ومهما احط حواجز
بتعدينى
وتخلينى
فرحان
4/19/2007
. . .
كأنى شفتك
لأ دأنا شفتك فعلا
فى حلم؟
ولا فى مكان حقيقى؟
أعرفك ؟
صاحبى ؟
قريبى ولا يمكن اخويا شقيقى؟
انا فاكرك
صدقنى فاكرك
بس يمكن مش فاكرنى
طب فاكرنى ؟
طب حتى فاكر اى شىء فيك ومنى ؟
طب خلاص
خلاص
انا افتكرت
انت انا
ودى المرايا
معلش
الدنيا بتنسى
وبتغير
جواك
وجوايا
خلاصة الكلام
سلام
اصل انا
ياما لسه النهاردة ورايا
سلام
قريبى ولا يمكن اخويا شقيقى؟
انا فاكرك
صدقنى فاكرك
بس يمكن مش فاكرنى
طب فاكرنى ؟
طب حتى فاكر اى شىء فيك ومنى ؟
طب خلاص
خلاص
انا افتكرت
انت انا
ودى المرايا
معلش
الدنيا بتنسى
وبتغير
جواك
وجوايا
خلاصة الكلام
سلام
اصل انا
ياما لسه النهاردة ورايا
سلام
4/17/2007
لا والنبى يا عبدو
انا مش فاهم برده
بس دى مش ازمة
الازمة انها ممكن تكون حملة هايفة وانا افوتها
يلا
اشارك فيها واجرى على الله
بس يارب ماتطلعش حاجة مهمة
4/16/2007
وراء الشمس
دى الحلقة الاولى من برنامج وراء الشمس
على قناة الجزيرة
وهو بيناقش قضية التعذيب فى اقسام الشرطة
وطبعا اللى عنده الضغط يبقى يجرى لما يلاقى كلام الاهطل اللى اسمه نبيل بباوى
هو حد بيضان
لو قولتله مبارك اغتصب امك
يقولك هاتلى دليل
فأذا جبتله امه ذات نفسها تقوله
يقولك اعتراف ملفق ملفق
المهم
لو قولتله مبارك اغتصب امك
يقولك هاتلى دليل
فأذا جبتله امه ذات نفسها تقوله
يقولك اعتراف ملفق ملفق
المهم
4/15/2007
الاخوان
من كام يوم كنت بتكلم مع دكتور يحيى القزاز وسألته عن التصور لسير الاحداث لو مبارك مات فجاءة
وكان اجابته على غير توقعى
قال ولا حاجة
كل واحد نشط هيتحط قدام بيته عسكرى يمنعه من نزول الشارع
واصلا مين اللى هينزل
قولتله بغض النظر عن القوى السياسية اللى هيبقى عندها الجرأة بس عددها مش هيسمحلها بعمل شىء
زى الاشتراكيين الثوريين مثلا
لكن فيه قوى كبرى عددها هيسمح ليها باحداث شىء
ولو الحد الادنى
زى الاخوان
هو قالى ان الاخوان مش هينزلوا
الاخوان هيكونوا نايمين فى بيوتهم
الاخوان ليهم اجندتهم الخاصة
واللى مش ممكن القوى الوطنية تأمن ليها
الاخوان فعلا حاجة غريبة
بيفكرونى بمحمد هنيدى فى فلم جاءنا البيان التالى
ابيع يا فندم
ابيع
مشكلتى مع الاخوان بجانب ده انهم مايفرقوش كتير عن الحكومة
مع الخصخصة
والاقطاع
واللى بيجنن اهلى فيهم
انهم مش واضحين
تقول موقفهم من كذا
ماتعرفش
وتقولهم كدة
يقولولك شوف اصدارتنا او شوف مواقعنا وانت تعرف
المشكلة انى مش لاقى فى مواقعهم
وحتى لو عرفت
هما اصلا مش بيقول الحق
وتلاقى واحد يقول يمين
وتانى يقول شمال
هو عنده انك كافر
ولو اتعامل معاك فهو بيتعامل لغرض واحد الاستفادة منك
يكدب عليك عادى
طالما بيخدم القضية المقدسة بتاعتهم
لحد ماتيجى الفرصة ويشوطك
وساعات مابيقدروش يداروا كرهم ليك
وبيعاملوا خصوصا اليساريين كأنهم بيعملوا اعداء
لكن مع ده بيعجبنى الشباب بتوعهم
تحس انهم اكثر تفتحا من العواجيز بتعهم
مع انهم بيغظوا اهلى ساعات
مش عارف انا بكتب عنهم ليه دلوقتى
بس ممكن تخاريف واحد عنده برد
يلا
سلام
عيان شوية .. من ايه :)
حاجة رخمة اوى لما يجيلك برد وانت مش عايزه
الجو بجد اليومين دول يقتل
الصبح يبقى حر وفجأة يقلب برد
وانا طالع عين اهلى معاه
مش عارف اخفف ولا اتقل
ولا اعمل ايه بالظبط
نفسى يرسى على حاجة واحدة
وانا مش همانع
4/13/2007
شنطة وضبة ومفتاح
ده غلاف ديوان عزو
اللى هو محمد عز الدين
اللى هو حد جامد جداا
اللى هو حفل التوقيع يوم التلات " الثلاثاء " المتوافق مع 17 فى الشهر الجاى اللى هو يعنى شهر اربعة
4
الساعة ستة
السادسة
6
فى متحف الفن الحديث
الدور الثانى
يعنى كلكم هتيجوا
تشتروا الكتاب مش توقعوا
:)
اشوفكم هناك
سلام
مبروك يا عز
4/06/2007
+of+65.bmp)
Subscribe to:
Posts (Atom)
