11/28/2007

........

زي القارب الفاضي
بيسحبه الموج
شوية بشوية
بعيد عن الشط
كل يوم
بصحى من النوم
أحس إن الشباك بقى
أبعد
محمود عزت
شغل كايرو

11/26/2007

نفس آخر فى الحجرة

يوسف إدريس فى الجنس التالت بيقول إن فيه نوعين من البشر
البشر العاديين اللى زينا
اللى هما ابناء اللى عاش من اولاد ادم
اللى هو قابيل
القاتل
ودول الجنس الأول
اما الجنس التانى فهما الناس التانيين يعنى
الناس دى عاشت فى مكان اشبه بالمدينة الفاضلة
مدينة الجمال والحب
مدينة مش ممكن تتوصف
وعلشان هما بيحبوا بجد
كنا صعبانين عليهم
فبقوا يبعتلونا ناس يحاولوا يصلحوا مننا
ينضفونا يعنى
الناس دى اللى هما برده مش ناس زينة
هما شكلهم زينا
بس هما الجنس التانى
اللى هما الأدباتية
والفنانين
واستمرارا لمسلسل تنضيفنا
فهما بعتلونا أديب جديد
قصدى أديبة
....
وأول غيثها هو ديوان
نفس آخر فى الحجرة
إصدار
السعر
خمسة جنيه
....
ياسمين
خدى منى حضن اخوى
كبيــــــــــــــــــــــــــــــــــــــــــــــــــــــــــــــــــــــــر

11/25/2007

بلياتشو


بلياتشو
لكن ..
بقلب جريح
ابان فرحان
وانا انسان
وف عز الدنيا
ابيع تفاريح
والناس بتضحك من غلبها
وعلى غلبى مش قادر اضحك
اكمنى صريح
. . .
بلياتشو

وبجرى وبتنطط
والعالم يجرى ويتنطط
يتلخبط
زى الالوان على وشى
باهته
لكن يبان متظبط
" وشى "
علشان يبقى
لعيونهم مريح
. . .
بلياتشو
وفنان ع المسرح
الناس تتفرج على فنى
مع انى
غاوى اتفرج ع الناس
فى وشوشهم انا دايما بسرح
ويتوه الفعل بينا
عليهم يبقى نسمة
وعليا يبقى ريح
. . .
بلياتشو
وبسترزق ..
م الهم والمه
وكل ما الهم يزيد
يزيد الضحك تمنه
مالك بيبان الضحك
لكن بيبان الفرح
خبت عنى المفاتيح
. . .
ابان طيب
وانا شرانى
مقتول
لكن جانى
بخلى الناس تضحك
تنسى
وان نسيت
افضل فاكر
وفى فكرى ابات انا وحدانى
آه يانى
ليه عقلى فصيح ؟!
. . .
بلياتشو
وع الحبل انا بامشى
لكن سكته ما بتخلصشى
ومليان مجاريح
. . .
بلياتشو
وبعشق بهلوانة
وهى فيا عشقانة
بالضحك بنينا بيتنا
ولما روحنا لفرحتنا
لاقيناها هربانة
ولاجل ما ترجع
لازم تاخد
من حزننا تصريح !

11/20/2007

____________

من أنت ؟ .. تطعنك العيون ،
وتظل تنزف ، والسنون ..
تمضى كأسراب السحاب ..
فى الصيف .. تبخل بالجواب ! .
من أنت .. ؟ .. لاتدرى .. وتدرى ما العذاب ! ما غربة الضفدع فى الأرض الخراب
ما ضيعة البولة فى الحمام والبصقة فى يوم المطر !
نجيب سرور : لزوم ما يلزم

11/19/2007

انتظار


كان غريب أن أكون هنا في هذه اللحظة
طبيعي أن أكون هنا
طبيعي لأي إنسان أن يكون هنا
لكن في تلك اللحظة بالذات لن يكون طبيعي سوى لأهله أو معارفه فقط ، فهم ينتظروه
أما أنا فلم أكن أعرف حتى اسمه ، لكنني ظللت جالس
تجمع كبير حزين بجواي ، كلهم في حالة شرود ينظرون إلى البحر آملين أن يمن عليهم به
كانوا يعرفون إن ما يأخذه البحر لن يرجع و إن رجع فلن يكون كالذي ذهب،لكنهم رغم ذلك ظلوا منتظرين يدعون البحر - ربما أكثر من دعائهم للرب -
كانوا يتناوبون النداء عليه
بدأت أمه
ثم أخيه
ثم أحد أصدقائه
فرحت حينها لهذا الفعل ،فسوف أشاهد بنفسي جدوى الخرافة التي أخبرتني بها خالتي العجوز
كانت تقول لي إن من يأخذه البحر لا يرجع إلا حينما يناديه أحد أحبائه ، حينها سيجيء مسرعا لكي ليبي نداءه
هكذا يُفعل أمامي
وانتظر - كما ينتظروا - ماذا سوف يحدث
مضى ما يقرب من ربع ساعة على جلوسي ولم يأتي بعد
- ربما تكون المواصلات -
هكذا حدثت نفسي ضاحكاً لكنني أخفيت ضحكاتي خوفا أن يراني أحدهم ، في تلك اللحظة مرت بجواري فتاتين بين السابعة والثامنة عشر ، كم احب هذه الفترة من العمر عندما تكون الفتيات اكثر سذاجة وتهور، تظن الواحدة منهن إنهن يمكنهن الحصول على حب حقيقي ، حب كالذي عهدوه في الأفلام ، حب خالي من الكلسترول ، يظنون ذلك وهم غير مدركين للتطور الذي طرأ على أجسادهن ، غير مدركين إن نهودهن اصبحن اكبر بكثير من طيبة الرجال غير مدركين إنهن يملكن مصادر الكلسترول ذاتها .
كانت إحداهن جميلة الملامح والجسد ، يتضح من نظراتها البراءة ،فتاة ممن يجعلونك تلعنها مئة مرة في اليوم وتدعوا الله أن يبعدك عنها
أما الأخرى فلم تكن جميلة ، لكن جسدها كان ممن يطلق عليهم صديقي محمود " فورتيكا " ظللت أتابعهم بنظري - وكما توقعت -
استجابت " الفورتيكا " لنظراتي الملحة ، بينما انتاب الأخرى خجل بسيط أخفته وراء صرامة مصطنعة ولم تنظر إلى
ذهبوا إلي الجمع وتكلموا مع إحدى الجالسات فى انتظار احمد
- هكذا كانوا ينادونه -
بعدها رجعن وهموا بالخروج من الشاطئ فتبعتهم بطريق ملتوى كي لا يلاحظ أحد أني ذاهب للتقرب إليهم
وقبل خروجي من الشاطئ وضعت يدي في جيبي أخرجت هاتفي المحمول واتصلت بمحمود لأطلب منه أن يمد فترة إقامتنا في الإسكندرية يومين آخرين ، فمن غير ممكن زيارة مدينة دون مضاجعة إحدى بناتها " غير المومسات " – هكذا يقول محمود –
وتبعت المشي خلفهن

11/14/2007

عندى البواسير

تخيل طول مانت ماشى حاسس ان فيه حد بيبعبصك
واخر ماتزهق تقرر تبعبص نفسك
ولما ماينفعش الحل ده تروح لواحد علشان يبعبصك
..
محمود صاحبى وهو بيتكلم على البواسير

11/11/2007

خبر عاجل

ارتفاع
شديد
فى
أسعار
مكنسة
الهلال
والنجمة
لتصل
الى
مستوى
قياسى
بعد
ان
اثبتت
قدرتها
الفعالة
فى
كنس ال.....