1/21/2008

اعلان مدفوع الاجر

توتة
مدونة رهيبة
غريبة
عزيزة

توتة
مدونة اختشى الصغيرة
انا اللى جريت رجليها للتدوين
وربنا يستر عليا من البيت
ودماغهم القافلة دى
بس مش مهم
علقة تفوت ولا حد يموت



مبروك يا توتة


وعلى فكرة
توتة اسمها فاطمة الزهراء
عندها حداشر سنة
كلبوزة
بتتكسف من ضلها


انا اللى بقوم بالطبع والنشر
وكل حاجة متعلقة بالفنيات
وهى اللى بتقولى الكلام

يعنى اى واد من اياهم يجيى يعاكس همحيه من على وش الدنيا


رجاء
المدونة فى نطاق السرية
اى دوشة البيت عندنا ممكن يعرف
خشوها بشويش
من هنا


تحديث

المدونة دى زبالة جداااا
كاتبة فى البروفيل انها بتحب ديوان اه يابنت حلوة جدااا وانا اصلا ماعجبنيش الديوان

موعودة ياللى عليكى التاج

دخلت مجلس الشعب من اوسع ابوابه ايه هو رمزك؟؟؟
ورقة بفرة

كنت تفضل الدخول مستقل ام تتبع حزب معين؟؟؟
حزب وطنى طبعن

اذا دخلت مستقل هل توافق على التسجيل للحزب الوطنى بعد نجاحك كمستقل؟؟؟
انت خربان ياعم ولا ايه ؟ .. بقولك حزب وطنى

ايه اول حاجه حتعملها لنفسك ولاسرتك؟؟؟؟
هحجز شقة فى اكتوبر


ايه اول شئ حتعمله لاهل دايرتك؟؟
دعم المواد الكيميائية مجهولة المصدر

قعدت فى المجلس جنب نائب مميز من هو النائب؟؟
نائب الدراسة

قدمت سؤال للحكومه ايه هو السؤال؟؟؟
السؤال لغير الله مزلة

طلب احاطه موضوعه ايه وبتقدمه لمين؟؟؟
لوزير الخارجية
حولين تدهور العلاقات المصرية الافغانية واللى ادت لزيادة رهيبة فى اسعار المواد الكيميائية مجهولة المصدر


استجواب لأ تنين من الوزرا بتستجوب مين وموضوعه ايه؟؟
وزير الصحة : عشان النقص الرهيب فى برشام ال ... " الصداع ولا مؤاخذة "
وزير الداخلية : الاختراقات ا لأمنية للصالونات الثقافية واعتقال بعض المثقفين


هل انت مع الخصخصه؟؟
يعنى ايه انت ؟

هل تؤيد قطع العلاقه مع اسرائيل؟؟؟
ماهو لازم يقطع عشان يعرف يفرد

هل تؤيد الحرب على العراق؟؟
انا ارفض الحرب على العراق .. واؤيد سياسات صدام حسين
واحب اقوله من موقعى هذا احنا وراك يا زعيم


هل تؤيد مرور الامريكان من القناة؟؟
انا ماعنديش دش الصراحة

هل انت مشترك فى مؤامره كسر فرنسا هانم بالاشتراك مع ام دبوه؟؟؟
بس لسه ماطلعتش الكارنيه

بتمرر التاج ده لمين؟؟؟
لأمى وابويا واخواتى والاهل والاقارب بمنشية زعتر والحاج عبده بمناسبة جواز بنته ميادةولأسرة البرنامج

1/18/2008

اليهم

1/15/2008

عنيكى تحت القمر



اهداء خاص


لتحميل التسجيل الخاص بالاغنية فى البوم افتح قلبكاضغط هنا

1/11/2008

افكار

مش هتكلم عن الجبرية والتخيير
ولا احاول اتفزلك لأنى فى الموضوع ده ماقرتش كتير
بس عايز اتكلم عن وجه نظرى فى العلاقة بين الله وبين الخلق

فى البداية انا مؤمن بوجود ربنا
ومش عندى اسباب
ومش مضطر انى ابحث عن اسباب

فى الاول طالما الله موجود فهو هيتميز بصفات الالوهية
واهما العدل
والعدل بيقول ان ماينفعش اعاقب حد فى شىء هو مش مسؤل عنه
يعنى الانسان مسؤل عن حياته مسؤلية كاملة
والكمال هنا مطلوب علشان يستقيم الفعل المترتب عليه او الحساب
وهنا عايز اخرج الله من القالب اللى بيحب بعض الناس انهم يضعوه فيه وهو على رأى احد الاصدقاء زيوس
يعنى لو عملت كدة ربنا هيديك رزق
بس لو عملت كدة ربنا هيكفر اللى جايبينك

انا شايف ان ربنا خلق الكون
بالاطار والجدلية المادية
وسابه يتطور
وهو وقف بعيد
يتفرج
لأن اى معنى للتدخل هو بينفى مبدأ الحرية المطلوب لعدالة الحساب
وده يمكن بيفسر القول بتخليف الانسان فى الارض

مثلا
الكيبورد اللى بكتب بيه ده بتاعى
مافيش مشاكل فى كدة
بس لما نقول ان العالم كله بتاع ربنا
هتيجى المشكلة
منين الكيبورد بتاعى

المسألة هنا فى معنى الملكية
فيه ملكية جزئية
وملكية كلية

العالم كاكل ملك الله
بس الكيبورد ملكى
والموبيل ملك فلان
والارض
ملك الانسان
ملكها ليه ربنا
وتركله حرية التصرف فيها

ممكن فى فترة من الفترات ينزله دين يحاول يرشده بيه
بس لما نيجى نتكلم فى الدين نحاول نشوف
ايه اللى بيربط الأديان كلها ببعضها
هنلاقى مبادئها الاساسية
وده فى الاسلام اسمه مقاصد الشريعة
علم منفصل بذاته ومن اهم العلوم
بمعنى

المقاصد مثلا العدل الخير المساواة وخلافه
لو اتفقنا هنا هنيجى لنقطة القواعد والاحكام اللى داخل الدين

فى القانون فى قاعدة بتقول
اذا كانت هناك قاعدة فى القانون بتخالف قاعدة اخرى فالقاعدة الأصغر ملغية من تلقاء ذاتها
بمعنى
لو فرضنا ان فيه قاعدة فى القانون المدنى بتخالف قاعدة فى القانون الجنائى فالقاعدة اللى فى القانون المدنى ملغية من تلقاء ذاتها
" على اعتبار ان القانون الجنائى اكبر من المدنى "
او لو هناك قاعدة فى القانون الجنائى بتخالف قاعدة فى الدستور فهى ملغية من تلقاء ذاتها

الكلام ده لزمته ايه
انى احاول افسر ان مثلا الاشتراكية او تأميم الملكيات الانتاجية الخاصة ولو انها بتخالف القاعدة القائلة ولكم رؤس اموالكم الا انها بتحقق قاعدة اكبر وهى المساواة والعدل
لأن قاعدة ولكم رؤس اموالكم اصبحت فى حالة الاقطاع تعارض القاعدة الاكبر وهى العدل

وده ممكن نطبقه على بقيت التشريعات
زى مثلا اللى بيقولوا ماينفعش ان مسيحيى يمسك الحكم فى دولة اسلامية
ده بيخالف القاعدة القائلة بالمساواة
اذن ملغية من تلقاء ذاتها


اللى فات بتكلم عن قواعد جزئية
بس ماتيجوا نخرج بره شوية
مفهوم الدين بقى
الدين بالنسبة لية مساعدة قدمهلنا الله
لينا اننا ناخد بيها
او لأ
ولأ هنا مش قصدى المقاصد
لأن دى اللى لازم تسود وهى نجاة البشرية
بس انا اقصد التشريعات
الاحكام اللى اصغر من الدستور
واللى بعض الناس بيحاولوا يخلوها دوجماوات مستحيل تغييرها

والتفسير ده لعلاقة الله بالانسان والعالم شايف انه ممكن يكون اجابة لأشكالية مادية التاريخ والتطور وبين قدرة الله وفعله

1/04/2008

عادى

..فى الشارع
ماشي يغنى ومبتسم
...سعيد لأنه
مش حزين قوى


رامى يحيى
من ديوان صعلوك

1/02/2008

teet radio




حاجة حلوة فعلن
اضغط هنا