4/19/2007

. . .





كأنى شفتك
لأ دأنا شفتك فعلا
فى حلم؟
ولا فى مكان حقيقى؟
أعرفك ؟
صاحبى ؟
قريبى ولا يمكن اخويا شقيقى؟
انا فاكرك
صدقنى فاكرك
بس يمكن مش فاكرنى
طب فاكرنى ؟
طب حتى فاكر اى شىء فيك ومنى ؟
طب خلاص
خلاص
انا افتكرت
انت انا
ودى المرايا
معلش
الدنيا بتنسى
وبتغير
جواك
وجوايا
خلاصة الكلام
سلام
اصل انا
ياما لسه النهاردة ورايا
سلام

1 comment:

أنـــا حـــــــــرة said...

السلام عليكم

عارف فكرتنى بايه
بوجيه عزيز امبارح لما غنا اغنيه عن المرايا
كانت اول مرة اسمعها
هقولك كلامها فيما معناه لانى ماحفظتهاش

قلت ابص لنفسى يمكن اكون احلويت
بصيت فى كل المرايات
فى الحمام
فى الوضه
و ع الحيط
بصراحه اتخضيت
معقول انا طول العمر ده
ما فكرتش
و لا اتغيرت
و لا احلويت
ياريتنى ما كنت بصيت

_____________

عارف وجيه لما غنى الاغنيه دى امبارح عيط

___________

النص فكرنى اوى بالغنوة
و اسلوبك احسن كتير

مبروك المدونه