5/03/2007

الزفت الاهلى


محمد كان بيقولى نزل وجهة نظرك فى موضوع الاهلى واللى هى باختصار

يسقط يسقط النادى الاهلى

بس لاقيت ان الاهلى اصلا مايستحقش ان اتعب صوابعى واكتب موضوع عليه

بس استفزنى احد العلوج الاهلوية لما مارديش ينتحر بعد ماتش برشلونة وبنفس طريقة

تفاهة فى بلية ودماغه العالية

ده برشلونة فريق عالمى

على الاقل مش بنخسر من الفيصلى

محسسنى بروح امه ان لاعيبة الفيصلى بنى ادمين ولاعيبة برشلونة كائنات فضائية

واهو جيه بتروجيت وكمل مسيرة التهزىء ليكم



المهم

انا مش هرغى كتير

كفاية اللى عاملوا فيكم رامز

4 comments:

صفصف لادي said...

خيانة؟؟؟

يا داهية دقي مكانش اليوم اللي تشوفي ابنك صفصف مان بيقول فيه انه زملكاوي و كمان بيتشفى في الاهلاوية

مكانش يومك ياختي يا صفصف لادي عااااا

محمد المصري said...

يعني هتعب نفسي واحرك آلاف الخلايا غير المرئيَّة من لساني لودن حضرتك عشان تكتب موضوع تقول فيه ( يسقط يسقط النادي الأهلي ) ، طيب حضرتك ما دي فطرة الخيَّرين أصلاً ولإن الخير أصله قليل فعدد الزملكاوية في تناقص مستمر - 12 زي ما حصرهم واحد صاحبي أول امبارح العصر ! - ، مش دي الفكرة ..
الفكرة إن الموضوع زي ما شرحته ليَّ بأبعاده الإجتماعية والثقافية والسياسية كان بيحمل بُعد كبير وعميق ، بُعد ممكن يخلي أهل الضلال يهتدوا للصواب وينضموا للزمالك ، لكن اللي انتَ عملته ده ضيَّع الدعوة الخيرة تماماً وضيَّع كم من الحسنات كان ممكن تحصل عليه لو هديت أهلاوي واحد ..

الموضوع بشكله الحالي يتقال فيه كلمة واحدة : كله إلاَّ غضب الأم يا مصطفى يا بني :)

والسلام ليس الختام ....
محمد المصـري

صفصف مان said...

الفكرة يا صفصف اكبر من كونى زملكاوى
الفكرة زى مانبه محمد فى تعليقه بتحمل ابعاد كتيرة وخطيرة
كلها بتوصلنا ان الاهلى نادى خاين وكافر
وخاين وكافر هنا بكل اشكالها
خان المبادىء الاشتراكية
كفر بقوانين منع الاحتكار
الاهلى بصورته الحالية هو اكبر مثال على توحش الامبريالية

شوفتى الموضوع كبير ازاى يا صفصف
الانسانية يا صفصف
لازم تضحى بوهمك علشان خاطر الحقيقة
علشان خاطر الانسانية
ومستنيكى يا صفصف فى صفوف الخيرين
مش فى صفوف الاعداء

صفصف مان said...

محمد
انا معاك فى ان من واجبنا كخيرين اننا نكافح ونتعب علشان هداية الاخرين
علشان كدة انتظر المفاجاة
الموضوع اهم من بوست
لازم الشغل يبقى على واسع
وزى ما بقولك
انتظر المفاجأة

وماتخفش يا محمد
صفصف اعقل واطيب من انها تفضل تشجع الاهلى تانى
صفصف من الاخيار يا محمد