8/09/2007

العنب العنب

بحب المانجة

-شىء بايخ انك تكون صريح
مش علشان ممكن تزعل حد منك
لا
اللى يستاهل انه يزعل يتفقل
ما تتعبش نفسك
بس المشكلة انك ممكن تفرح حد
يعنى مثلا واحد جميل اوى
غصب عنى بقوله انت شخصية جميلة
شعور بايخ بحسه
انا ممكن اكون اسعدته بالكلمة دى
بولوبيف بولوبيف
- بعمل اليومين دول معادلة لكلية التجارة
والمفروض اننا اذاكر منهج بيتدرس فى اربع تشهر فى شهر واحد بس
ده عادى
انا اصلى واد مخلص وهنجزهم
بس المشكلة انه فات عشر تيام والكتب مانزلتش لسه
وهنا الخازوق
جيل زحلقة .. تزحلقه يزحلقك
- الناس مش قادرة تتفهم انى مش زملكاوى
اينعم انا مابحبش الاهلى
وبتفرج على ماتشاته مخصوص علشان اشجع اى فريق ضده
حتى لو كان ايه
بس ده برده مش معناه انى زملكاوى
انا بطلت كورة من زمان
وكل معلوماتى عنها دلوقتى انى لما يجيى ماتش للأهلى اروح اشجع الفريق التانى على طول
ادينى الحقنة بسرعة .. ارجوك محتاجة الجرعة
- مش عارف كل ماكون داخل على امتحانات تضرب فى دماغى الافكار
والاقى المشاريع بتفتح ابوابها
دلوقتى بقى بفكر فى موضوع الاسلام
مفهوم الاسلام وانى اخرجه من نطاق تشاريع القرأن والسنة
وحورات كدة
" طبعن ماتضحكش يا محمد يا مصرى "
انا قلبى مزيكا بمفاتيح
محمد كان بيقولى اخر مرة عن التدوين انه لعبة مش لذيذة
فعلن
اه اه اوه
النهاردة خدت جاية المركز الاول فى الزجل
هى مكتوبة فى شهادة التقدير على مستوى الجمهورية
بس الاستاذ كان قاليلى انها على مستوى المعاهد الفنية والكليات النوعية
الجايرة كان ميدلية وشهادة تقدير
وتسعة وتسعين جنيه وسبعين قرش

3 comments:

HafSSa said...

والتلاتين قرش فين؟؟
ضرايب و مستنقعات برضو؟؟
شكلها ضرايب و مستنقعات
و كتر المنجا بيجيب حصوة في الكلى
و خد بالك من نفسك
و مبروك المعادلة ابقى دور على حد عملها قبلك و خد منه الكتب

سلامووز

DantY ElMasrY said...

انا من زمان عاوز افهم حاجة يا مصطفى الوحش مخدش حمادة المصرى فى المنتخب ليه ؟مع انه كان بيجيب اجوان ساعة الآذان
والجوهرى مخدش حمادة عبد اللطيف ليه
رغم انه كان بيخلص حق لعيبة الزمالك ترقيص فى لعيبة الأهلى بطريقة دوخينى يا لمونه

DantY ElMasrY said...

انا من زمان عاوز افهم حاجة يا مصطفى الوحش مخدش حمادة المصرى فى المنتخب ليه ؟مع انه كان بيجيب اجوان ساعة الآذان
والجوهرى مخدش حمادة عبد اللطيف ليه
رغم انه كان بيخلص حق لعيبة الزمالك ترقيص فى لعيبة الأهلى بطريقة دوخينى يا لمونه