12/12/2007

سؤال

هى الناس بتموت ليه؟

13 comments:

محمد المصري said...

عشان "يمكن في الموت هنعيش"

مصطفى اسماعيل said...

طب ومانبقاش عايشين عايشين ليه
تفتكر اللى بيموت مش بيبقى زينا
نفسوا يحضنا زى ماحنا نفسنا نحضنوا ومش عارفين

يَحيى المِصري said...

لأن لو الناس كلها فضلت عايشة الدنيا هاتبقى زحمة أوي

:D

HafSSa said...

عشان نستريح؟
عن نفسي شايفاها راحة و نفسي انها تتحقق

Nsreen said...

عشان نتنسي وعشان المتع اللى بنتمتع بيها يتمتع بيها ناس تانيين وعشان نشوف حقيقه كل الناس اللى عرفناهم فى حياتنا الحقيقه اللى مش حنعرفها ابدا دلوقتى وعلى فكره لما نموت محدش حيبقى نفسه يحضنا حيشوف حد عايش يحضنه

مصطفى اسماعيل said...

يحيى
نوسعها
نبنى دنيا تانية وتالتة

مصطفى اسماعيل said...

صفصف
طب ليه مانستريحش واحنا هنا
مع بعضينا
حرام يعنى
اقرى البوست اللى قبل ده

مصطفى اسماعيل said...

نسرين
طب مافيه ناس ماتت ودلوقتى انا نفسى احضنها
ممكن لما اموت يبقى فيه ناس عايزة تحضنى
ممكن الميت يكون عايز يحضن ناس

الموت رخم

Nsreen said...

طيب مش ممكن يا مصطفى لما نموت نلاقى فى الميتين ناس محتجالنا برضه ويعوضونا عن اللى سبناهم ويحضنوننا برضه
مش ممكن يكون الموت اعاده تدوير وتصنيع يعنى نتخلق تانى فى حته تانيه
-انت مشتلى دماغى على فكره
بس الاكيد احنا ايه دلوقتى هو اللى حيحدد احنا حنكون ايه لما نموت
و حنروح فين

Nsreen Bsunee said...

انا فكرت تانى فى سؤالك مش يمكن بقى ان الاموات بيشفونا وبيحضنونا وبييحسو بينا اكتر من الاول واحنا لما نموت حنحس اكتر وحنحب اكتر

مصطفى اسماعيل said...

ممكن

بس المسخرة اللى خدت باللى منها ان فيه ناس عايشين ومش بنعرف نحضنهم

Cognition-sense said...

أنا لفتتني قوي كلمتك لما قلت إن في ناس عايشة ومش بنقدر نضمها

جميلة جملتك دي

إحنا بنعقد حياتنا كتير قوي

وبالنسبة لسؤالك
فأنا مش عارفة إذا كان الموت ده حاجة وحشة واللا حلوة
بس فكرة جهل المعرفة عن اللي هيحصل بينا بعد مانموت بتخوفني قوي
لما بفكر بالموضوع بشوف ضلمة
وانا بخاف من الضلمة جداً

خلينا نفكر في الحاجات الحلوة اللي حوالينا واحنا عايشين
ماحنا عايشين
وأكيد هنلاقي أسباب كتير حلوة تفرحنا

إنت روحك جميلة قوي يا مصطفى

مصطفى اسماعيل said...

حتة ضلمة مش عارفين ننورها
تفتكرى هنعرف فى يوم
ننورها
ونشوف الموت هو ايه ؟
خوفتينى زيادة

برغم تاكدى من ان قلب الحياة مليان
حاجات وبتفرح
بس انا مغناطيسى سلبى اليومين دول

تعليقك اجمل