1/21/2008

اعلان مدفوع الاجر

توتة
مدونة رهيبة
غريبة
عزيزة

توتة
مدونة اختشى الصغيرة
انا اللى جريت رجليها للتدوين
وربنا يستر عليا من البيت
ودماغهم القافلة دى
بس مش مهم
علقة تفوت ولا حد يموت



مبروك يا توتة


وعلى فكرة
توتة اسمها فاطمة الزهراء
عندها حداشر سنة
كلبوزة
بتتكسف من ضلها


انا اللى بقوم بالطبع والنشر
وكل حاجة متعلقة بالفنيات
وهى اللى بتقولى الكلام

يعنى اى واد من اياهم يجيى يعاكس همحيه من على وش الدنيا


رجاء
المدونة فى نطاق السرية
اى دوشة البيت عندنا ممكن يعرف
خشوها بشويش
من هنا


تحديث

المدونة دى زبالة جداااا
كاتبة فى البروفيل انها بتحب ديوان اه يابنت حلوة جدااا وانا اصلا ماعجبنيش الديوان

14 comments:

Anonymous said...

تصدق أنا أول مرة أعرف إن أختك إسمها فاطمة و أنا بحب الإسم ده على فكرة
مرة واحد صاحبنا إحنا الإتنين بيقوللي مصطفى بيبقى جميل أوي و هو بيتكلم عن أخته

و دي حقيقه على فكرة

يا فاطمة عاوزين مدونة حلوة و أهم حاجة إنك ماتطلعيش زي الواد أخوكي

Hypatia said...

انا اختى بقى اسمها فاطمه الزهراء بس عندها اربع سنين

ربنا يخليهم يارب

وانا حاروح اشوف المدونه يا بطه

^ H@fSS@^ said...

اعلان مدفوع الاجر؟؟ حرام عليك خليتها تدفعلك ايه
مصروفها ؟ شكلك عملت زي سعيد صالح لما اخد الفلوس من عاطف في العيال كبرت
و بعدين تقديم تقدمه عليها
انهاكلبوزةو بتتكسف من ضلها؟
روح منك لله
حتعقد البنية في شكلها و تكون انت السبب في قلة ثقتها في نفسها
دي اخره تربيتي؟؟

محمد المصري said...

تصدق رغم كل حاجة ساعات بتاخد خطوات تحفة

أنا بحب أوي اسم "فاطِمَة" .. بتشكيلها السليم مش فاطْمَة زي ما بتتنطق في العادة ، مش تقعّر لغوي والله يا عم ، بس بحسها كده أكتر .. وتكون دايماً "فاطِمَة" لا توتة ياخويا ولا بطة - لا مؤاخذة يا نسرين -

وأنا بقرا البوست كنت مبتسم تماماً وأنا بتخيل إن يبقى عندك أخت اسمها فاطِمَة .. وتفضل كده كل شوية روحي يا فاطِمَة .. تعالي يا فاطِمَة .. ولما تبقى مضايق تقولها بس يا بت يا فاطْمَة - بتسكين الطاء المرة دي :) - .. وبعدين سنة واتنين وتلاتة وهوب الحلوة بكرة تكبر وتحب ، فاطِمَة كبرت .. فاطِمَة حبَّت .. فاطِمَة هتتجوز وتبقى بتغير من حبيبها وحبيبها بيغير منك زي ما قال فؤاد حداد بالظبط

الله يا واد

ربنا يا رب يخليكم لبعض دايماً وتفضل حاططها كده في عنيك

رغم إني مشفتهاش بس لمعة عنيك وانتَ بتتكلم عنها بتخليني أشوفها أجمل بنت في الدنيا
بقى بزمتك حد يبقى عنده أخت أمورة كده ويضايق أو يزعل من الدنيا ؟؟

طبعاً طبعاً أنا مش ولد من إياهم
وطبعاً طبعاً هروح أعاكس ضروري يعني ، بس ياخويا متفهمنيش غلط .. أنا هدخل البيوت من مدوَّنتها :)

بس والنبي ياخويا متبوظش مخها وسيبها تكون نفسها مش حد تاني ، تحب "آه يا بنت حلوة جداً" .. ومتحطش صورة جيفارا في مدونتها .. تحط صورة بنوتة صغنتتة لبسه فستان أبيض :)

ربنا يخليكم لبعض مرة تانية

مصطفى اسماعيل said...

يحيى
على اساس انى ماببقاش جميل وانا بتكلم عن اى حاجة
بص كويس
:)


منورنى
وفاطمة هناك
:P

مصطفى اسماعيل said...

نسرين

ما قولنا بطة هناك
ديهدى


ربنا يخليلك فطوم وتكبر وتتدلع عليكى

مصطفى اسماعيل said...

صفصف
يعنى اهو الواحد بيجمع مصرافيه وكدة

وفيها ايه
هى كلبوزة وحشة
وفعلا بتتكسف من ضلها
وانا نفسى حكاية التدوين دى تديها شوية فى مسالة التفاعل مع الناس


عموما انا اسف

مصطفى اسماعيل said...

محمد باشا
اخيرا يا راجل سمعنا صوتك ولو على المدونات


انا كل خطواتى مميزة وتحفة على فكرة

وفاطمة ايه يابنى
التشكيل بيخنق الكلمة
بس تعرف
بنت خالى اسمها فاطمة
وابوها حد متدين فعودهم انهم يقولوا فاطمة بالتشكيل بتاعك
وهنا اصبح ضرورة ان توتة تبقى فاطمة من غير تشكيل للتميز بينهم
لأنهم تقريبا نفس السن
:)

تعرف
انا بجد بفرح اووى لما تكبر يوم عن يوم
مستنيها تكبر وتكبر وتبقى عروسة
بس والله هحب اللى هتحبه
وده طبعن بعد ما وافق عليها واشوف يستحقها اصلن ولا لأ
دى توتة يا جدعان


ويا محمد لازم اثقل معرفتها من بحر معرفتى الفياض واخليها
" بمزاجها او غصبن عنها "
تحب جيفارا
انت هتهزر يابنى
ده فرض
:)

وديوان آه يابنت حلوة جداااا اسواء ديوان عمى قريته مكتوب بطريقة الشعر النثرى
حاجة رخمة صدقنى


ربنا يخليك يا حبيبى

Hypatia said...

انت يا ابني بقالك كتير مكتبتش حاجه جديده ليييييييييييييه

اوعى تكون ناوى تقفل المدونه يا مجنون

اوعى

اوعى

انا باقولك اهو حتبقي ليلتك سوده


اكتب حاجه جديده بقي

^ H@fSS@^ said...

يعني انت مانع التعليقات على اللي ما هو يفترض بوست جديد و كمان عنوانه مش مشجع بتاتا و لا يدل على اي خير
و بقالك فترة مختفي
فهل يا ترى دي علامات كنسلة البلوج ده؟
لو اه قلي
عادي انت حر
بس مش حعرفك بعد كده
سلام

i mean it
وش غضبان

Yasmine Adel Fouad said...

واضح ان كل الناش شايلينك على دماغها
مبروك لفاطوم مقدماً

عايزينها تبقى فاطمة بقى بمزاجها ، حتى لو وهى مكسوفه و بطل الديكتاتوررية و بتاع الديوان انت ما بتحبهوش عادى يعنى ده عز الطلب يا برنس


:)

هنروح نعمل الواجب الحريمى بقى هناك و اكيد لو عاكست ملكش عندى حاجه

" وش واحده ولا خايفه منك "
:)

JuSt_hUmAn said...

فينك يا عم مصطفى؟
قلقتني عليك

^ H@fSS@^ said...

تصدق انك سخيف و رزل؟؟
بجد فعلا يعني
دلع كده و تقل و منظرة على خلق ربنا و ابصر مش عارف ايه
و حركات كده حتتخليني اشك في امومتي ليك
فياريت بقى يلا

Anonymous said...

على فكرة انا سعيد برأيك
محبتى

احمد فوزى