4/07/2008

تابع

تجدد الاشتباكات اليوم فى المحلة
الاشتباكات تصاعدت فى المحلة مرة اخرة ما بين اهالى المعتقلين و الامن
اكثر من 10000 متظاهر فى شوارع المحلة الرئيسية فى المنطقة ما بين اسو و السبع بنات و بنزايون
الموضوع بدأ عندما تجمهر اهالى المحتجزين امام نقط شرطة اول و ثان المحلة الكبرى و نتيجة غباء الامن حيث قام بادخال سيارة مصفحة وسط المتظاهرين مما مثل خطر عليهم ازدادت الاوضاع سوءا
و ملعب غزل المحلة هو المكان الذى تقوم فيه النيابة بالتحقيق مع المقبوض عليهم
المواطنين ينضمون الى المظاهرة الأن و الامن يستخدم نفس اسلوبه الهمجى فى التعامل
المظاهرات كانت سلمية تماما حتى استخدم الامن القنابل المسيلة للدموع و العنف مع المتظاهرين
تصاعد الهتفات وتتحول ضد مبارك
.
فؤاد فخر الدين
المحلة
.
.
.
صور امس منقولة عن فؤاد فخر الدين عن مدونة ستة ابريل
.
.




3 comments:

HafSSa said...

بص يا مصطفى
حقولك على حاجة و اشتمني بعدها زي ما انت عاوز
لو الناس فعلا هي اللي عملت الشغل بتاع حرق القطارات و تكسير محلات و نفس السيناريو الوسخ بتاع يناير 77
فحقولك هما كده ضيعوا حقهم و حيقلبوا الناس عليهم
مش دي الطريقة اللي كان المفروض الاضراب يكون بقى على الحال ده
دلوقتي في الاخبار مسوئين سمعة الناس و المحلاوية بالذات و جايبين بس الصور اللي بيضربوا فيها الامن المركزي و بس
ايه قولك بقى


تحياتي

مصطفى اسماعيل said...

حبيبى الموضوع مش متشاف صح
البداية جت لما الأمن تعامل بعنف مع بعض الأهالى فى المناطق
وماكان من الأهالى غير انهم يردوا عليهم
فالأمن صعد الموضوع لقنابل مسيلة للدموع ورصاص مطاطى
فالمسألة بالنسبة لبعض الأهالى بقت خناقة
انضم ليها بعض البلطجية
"البلطجية على فكرة كانوا بيساعدوا المسيسين والصحفيين والمهتمين فى انهم يهربوا من الحصار المفروض وكأنوا بيمنعوا الناس انها تدخل الأماكن اللى فيها عنف وكانوا هما اللى بيواجه الأمن "
دور العمال هنا مش فى صورة واضحة
العمال جايين يعملوا اضراب سلمى داخل اسوار المصانع
جيه الأمن واعتقل اتنين من القيادات ومارضيش يدخل نصهم المصنع
فاصبح العمال بره المصنع
واصبح العمال اتنين منهم معتقلين
فاصبح التظاهر ضرورة
وبفعل وجودهم خارج المصنع ووجود المعتقلين كذلك
فابتدى التظاهر بعض الساعة اربعة ونص من العمال
والأمن صعد
فالمسألة اصبحت حرب
ماحدش يقدر يحكمها
المسؤل الرئيس فيها هو الأمن لتصعيده
والمسؤل التانى القوى السياسية اللى حبت تعمل بروباجندة وتفهم الناس انه بروفة عصيان مدنى وانه مش عارف ايه
---------
بصى
احنا مسؤلين عن عدونا
يعنى لو الأمن طايش وابن دين كلب
احنا مسؤلين
لازم نعرف نتعامل ازاى معاه
لازم مانخلهوش يطيح فى مدينة كاملة زى المحلة
-------------
المهم
ان الصورة فى المحلة مش متشافة بوضع صحيح
وانا نفسى ماعنديش الرؤية الكاملة
والمعلومات اللى بتوصلى من ناس فى مكان من الاماكن فى المحلة ومش قادر يتفاعل مع باقى الأماكن

Blogger said...

eToro صفقات التداول المفتوحة في 227,585,248

اكتشف eToro شبكة التداول الاجتماعي الرائدة في العالم حيث يحقق ملايين المستخدمين أرباحًا عن طريق نسخ تصرفات التداول التي يقوم بها أفضل المتداولين.