توتة
مدونة رهيبة
غريبة
عزيزة
توتة
مدونة اختشى الصغيرة
انا اللى جريت رجليها للتدوين
وربنا يستر عليا من البيت
ودماغهم القافلة دى
بس مش مهم
علقة تفوت ولا حد يموت
مبروك يا توتة
وعلى فكرة
توتة اسمها فاطمة الزهراء
عندها حداشر سنة
كلبوزة
بتتكسف من ضلها
انا اللى بقوم بالطبع والنشر
وكل حاجة متعلقة بالفنيات
وهى اللى بتقولى الكلام
يعنى اى واد من اياهم يجيى يعاكس همحيه من على وش الدنيا
رجاء
المدونة فى نطاق السرية
اى دوشة البيت عندنا ممكن يعرف
خشوها بشويش
من هنا
تحديث
المدونة دى زبالة جداااا
كاتبة فى البروفيل انها بتحب ديوان اه يابنت حلوة جدااا وانا اصلا ماعجبنيش الديوان
1/21/2008
اعلان مدفوع الاجر
Subscribe to:
Post Comments (Atom)
14 comments:
تصدق أنا أول مرة أعرف إن أختك إسمها فاطمة و أنا بحب الإسم ده على فكرة
مرة واحد صاحبنا إحنا الإتنين بيقوللي مصطفى بيبقى جميل أوي و هو بيتكلم عن أخته
و دي حقيقه على فكرة
يا فاطمة عاوزين مدونة حلوة و أهم حاجة إنك ماتطلعيش زي الواد أخوكي
انا اختى بقى اسمها فاطمه الزهراء بس عندها اربع سنين
ربنا يخليهم يارب
وانا حاروح اشوف المدونه يا بطه
اعلان مدفوع الاجر؟؟ حرام عليك خليتها تدفعلك ايه
مصروفها ؟ شكلك عملت زي سعيد صالح لما اخد الفلوس من عاطف في العيال كبرت
و بعدين تقديم تقدمه عليها
انهاكلبوزةو بتتكسف من ضلها؟
روح منك لله
حتعقد البنية في شكلها و تكون انت السبب في قلة ثقتها في نفسها
دي اخره تربيتي؟؟
تصدق رغم كل حاجة ساعات بتاخد خطوات تحفة
أنا بحب أوي اسم "فاطِمَة" .. بتشكيلها السليم مش فاطْمَة زي ما بتتنطق في العادة ، مش تقعّر لغوي والله يا عم ، بس بحسها كده أكتر .. وتكون دايماً "فاطِمَة" لا توتة ياخويا ولا بطة - لا مؤاخذة يا نسرين -
وأنا بقرا البوست كنت مبتسم تماماً وأنا بتخيل إن يبقى عندك أخت اسمها فاطِمَة .. وتفضل كده كل شوية روحي يا فاطِمَة .. تعالي يا فاطِمَة .. ولما تبقى مضايق تقولها بس يا بت يا فاطْمَة - بتسكين الطاء المرة دي :) - .. وبعدين سنة واتنين وتلاتة وهوب الحلوة بكرة تكبر وتحب ، فاطِمَة كبرت .. فاطِمَة حبَّت .. فاطِمَة هتتجوز وتبقى بتغير من حبيبها وحبيبها بيغير منك زي ما قال فؤاد حداد بالظبط
الله يا واد
ربنا يا رب يخليكم لبعض دايماً وتفضل حاططها كده في عنيك
رغم إني مشفتهاش بس لمعة عنيك وانتَ بتتكلم عنها بتخليني أشوفها أجمل بنت في الدنيا
بقى بزمتك حد يبقى عنده أخت أمورة كده ويضايق أو يزعل من الدنيا ؟؟
طبعاً طبعاً أنا مش ولد من إياهم
وطبعاً طبعاً هروح أعاكس ضروري يعني ، بس ياخويا متفهمنيش غلط .. أنا هدخل البيوت من مدوَّنتها :)
بس والنبي ياخويا متبوظش مخها وسيبها تكون نفسها مش حد تاني ، تحب "آه يا بنت حلوة جداً" .. ومتحطش صورة جيفارا في مدونتها .. تحط صورة بنوتة صغنتتة لبسه فستان أبيض :)
ربنا يخليكم لبعض مرة تانية
يحيى
على اساس انى ماببقاش جميل وانا بتكلم عن اى حاجة
بص كويس
:)
منورنى
وفاطمة هناك
:P
نسرين
ما قولنا بطة هناك
ديهدى
ربنا يخليلك فطوم وتكبر وتتدلع عليكى
صفصف
يعنى اهو الواحد بيجمع مصرافيه وكدة
وفيها ايه
هى كلبوزة وحشة
وفعلا بتتكسف من ضلها
وانا نفسى حكاية التدوين دى تديها شوية فى مسالة التفاعل مع الناس
عموما انا اسف
محمد باشا
اخيرا يا راجل سمعنا صوتك ولو على المدونات
انا كل خطواتى مميزة وتحفة على فكرة
وفاطمة ايه يابنى
التشكيل بيخنق الكلمة
بس تعرف
بنت خالى اسمها فاطمة
وابوها حد متدين فعودهم انهم يقولوا فاطمة بالتشكيل بتاعك
وهنا اصبح ضرورة ان توتة تبقى فاطمة من غير تشكيل للتميز بينهم
لأنهم تقريبا نفس السن
:)
تعرف
انا بجد بفرح اووى لما تكبر يوم عن يوم
مستنيها تكبر وتكبر وتبقى عروسة
بس والله هحب اللى هتحبه
وده طبعن بعد ما وافق عليها واشوف يستحقها اصلن ولا لأ
دى توتة يا جدعان
ويا محمد لازم اثقل معرفتها من بحر معرفتى الفياض واخليها
" بمزاجها او غصبن عنها "
تحب جيفارا
انت هتهزر يابنى
ده فرض
:)
وديوان آه يابنت حلوة جداااا اسواء ديوان عمى قريته مكتوب بطريقة الشعر النثرى
حاجة رخمة صدقنى
ربنا يخليك يا حبيبى
انت يا ابني بقالك كتير مكتبتش حاجه جديده ليييييييييييييه
اوعى تكون ناوى تقفل المدونه يا مجنون
اوعى
اوعى
انا باقولك اهو حتبقي ليلتك سوده
اكتب حاجه جديده بقي
يعني انت مانع التعليقات على اللي ما هو يفترض بوست جديد و كمان عنوانه مش مشجع بتاتا و لا يدل على اي خير
و بقالك فترة مختفي
فهل يا ترى دي علامات كنسلة البلوج ده؟
لو اه قلي
عادي انت حر
بس مش حعرفك بعد كده
سلام
i mean it
وش غضبان
واضح ان كل الناش شايلينك على دماغها
مبروك لفاطوم مقدماً
عايزينها تبقى فاطمة بقى بمزاجها ، حتى لو وهى مكسوفه و بطل الديكتاتوررية و بتاع الديوان انت ما بتحبهوش عادى يعنى ده عز الطلب يا برنس
:)
هنروح نعمل الواجب الحريمى بقى هناك و اكيد لو عاكست ملكش عندى حاجه
" وش واحده ولا خايفه منك "
:)
فينك يا عم مصطفى؟
قلقتني عليك
تصدق انك سخيف و رزل؟؟
بجد فعلا يعني
دلع كده و تقل و منظرة على خلق ربنا و ابصر مش عارف ايه
و حركات كده حتتخليني اشك في امومتي ليك
فياريت بقى يلا
على فكرة انا سعيد برأيك
محبتى
احمد فوزى
Post a Comment