7/23/2007

انا اسف



هى حد جميل اوووى

طيب

مش بيفكس ولا بينافق

ببقى فرحان اووى لما بكلمها

ولما اعرف انها كويسة بطمن

يمكن كونت مستغرب انها تعاملنى على انى ابنها مع انها مش كبيرة

بس كنت مستمع بده

هى باختصار حد بحبه اووى

...

المشكلة انى كنت ندل معاها

جيه عيد ميلادها وماقولتلهاش كل سنة وانتى طيبة

مع انى مانسيتش

بس بصراحة هى فى عيد ميلادى رغم ان الحياة مرخمة معاها ورغم انها بره مصر لكن اتصلت بيا وقالتلى كل سنة وانت طيب

يمكن دى اللى خلانى ماحبش اقولها اى كل سنة وانتى طيبة

انا لاقيت انى لو اقولتهالها فى ايميل هو فى شكل كومنت هيبقى قليل اووى

انا والله كنت عامل انى هتجيلى فلوس وهشحن التليفون وهاخد رقمها واكلمها

بس والله الفلوس ماجتش

وقاعد مفلس

وبرده مستبوخ انى اقولهالها فى ايمل او كدة

واللى بوخها اكتر ان يوم ميلادها عدى

يعنى اقولهالها عبر الانترنت وكمان متاخر

انا فضلت مستنى تيجيى فلوس

بس والله بقالى يجيى شهر معاييش ولا مليم

دا حتى اشتراك النت مادفعتوش وداخل دايل اب

نفسى اقولها كل سنة وانتى طيبة

بس كل شوية استنى والوقت يعدى

...

بصوا

انا حاسس انى بستخبى

وعندى شعور انى لازم افضح نفسى اكتر

عايز الناس تعرف انا اد ايه ندل

مش مش عارف ازاى

...

بصوا

اللى بتكلم عنها هى حد انتوا عارفينه

وعارفين اد ايه طيبه

فمعنى انى استندل معاها ابقى انا وسخ بجد

...

حفصة

برده مش هقولك كل سنة وانتى طيبة

لانها هتبقى بايتة

بس عايز اقولك انك جميلة اووى

وبحبك

...

انا اسف

2 comments:

^ H@fSS@^ said...

مافيش اي داعي للاسف
لانها عارفة ان زي ما الحياة مرخمة عليها فالحياة مرخمة عليك انت كمان
و مش معنى انها عرفت تتصل بيك يوم ميلادك انها كويسة و انت مش كويس الحكاية و ما فيها انها ام و الام بتعرف تتصرف
و بتتراكم عندها خبرة مش زي ابنها يقع في حيص بيص
هههههههههههههههه
و لا يهمك يا عسل
و والله ما زعلانة
هي دي حاجة تزعل
بس مكنش لازم تعمل بوست بحاله
كنت خليها بيني و بينك انت كده بتفكرني بالجرح الثلاثيني الاليم
اهئ اهئ اهئ

Anonymous said...

يخرب بيتك ياض يا مصطفى
إنت الأدب و الأخلاق دول نزلوا عليك إمتى
أومال شخصية فاوست بتطلع معايا أنا و محمد بس ليه